កម្មវិធីសិក្សា បរិញ្ញាបត្ររងបច្ចេកទេសវិជ្ជាជីវៈ អប់រំភាសាអង់គ្លេស

ប្រភេទ៖ ការអប់រំបណ្តុះបណ្តាលបច្ចេកទេស និងវិជ្ជាជីវៈ

មហាវិទ្យាល័យ៖ សង្គមសាស្រ្ត និងវិទ្យាសាស្រ្តសេដ្ឋកិច្ច

ដេប៉ាតឺម៉ង់៖ ភាសាអង់គ្លេស

មុខជំនាញ៖ អប់រំភាសាអង់គ្លេស

កម្រិត៖ ៥ (បរិញ្ញាបត្ររងបច្ចេកទេស/ឯកទេស/បច្ចេកវិទ្យា)

១. គោលបំណងនៃកម្មវិធី

កម្មវិធីបរិញ្ញាបត្ររងបច្ចេកទេស និងវិជ្ជាជីវៈ ភាសាអង់គ្លេស ត្រូវបានរៀបចំយ៉ាងប្រុងប្រយ័ត្នក្នុងគោលបំណង ដើម្បីអប់រំនិស្សិតនូវចំណេះដឹងជាមូលដ្ឋាន ចំណេះដឹងទូទៅ ជំនាញ និងបទពិសោធន៍ដូចខាងក្រោម៖

• ជួយនិស្សិតឱ្យបង្កើតចំណេះដឹងជាមូលដ្ឋាន និងជំនាញទាក់ទងនឹងមុខវិជ្ជាសំខាន់ៗ ដើម្បីឆ្លើយតបទៅនឹង តម្រូវការការងារនៅស្ថាប័នដែលពាក់ព័ន្ធ ឬសម្រាប់អាជីពការងាររបស់ពួកគេ
• បង្កើនសមត្ថភាពរបស់និស្សិតក្នុងការនិយាយ ការស្តាប់ ការអាន និងការសរសេរ
• កំណត់យុទ្ធសាស្រ្តផ្សេងៗ ដើម្បីបង្កើនទាំងសមត្ថភាពជំនាញ និងជំនាញច្នៃប្រឌិត
• អភិវឌ្ឍចំណេះដឹងទូទៅរបស់និស្សិត
• បង្ហាញពីសមត្ថភាពក្នុងការគិតយ៉ាងមានប្រសិទ្ធភាពខ្ពស់
• ប្រើប្រាស់ជំនាញព័ត៌មានវិទ្យា និងឌីជីថុលយ៉ាងស្ទាត់ជំនាញ
• បង្ហាញឥរិយាបថ និងអាកប្បកិរិយាសមស្របទៅនឹងបរិយាកាសសិក្សានៅសាកលវិទ្យាល័យ
• ក្លាយទៅជាគ្រូបង្រៀនភាសាអង់គ្លេសដែលប្រកបដោយវិជ្ជាជីវៈខ្ពស់។

២.លទ្ធផលសិក្សានៃកម្មវិធីបណ្តុះបណ្តាល

បន្ទាប់ពីបញ្ចប់ការសិក្សាកម្រិតថ្នាក់បរិញ្ញាបត្ររង បច្ចេកទេសនិងវិជ្ជាជីវៈ ភាសាអង់គ្លេស និស្សិតនឹង ទទួលបានបាននូវ៖

២.១ ចំណេះដឹង
និស្សិតនឹងមានសមត្ថភាពប្រើប្រាស់ចំណេះដឹង៖

PLO1. អភិវឌ្ឍជំនាញភាសា ទាំងការនិយាយ ការស្តាប់ ការអាន និងការសរសេរ ដោយការចូលរួមក្នុងកិច្ចការទំនាក់ទំនងផ្សេងៗនៅក្នុងថ្នាក់រៀន និងនៅបរិវេណសាកលវិទ្យាល័យ

PLO2. និយាយភាសាអង់គ្លេសប្រកបដោយប្រសិទ្ធភាព សម្រាប់ការប្រាស្រ័យទាក់ទងផ្ទាល់ខ្លួន ក្នុងគោលបំណងសិក្សា និងដើម្បីបម្រើតម្រូវការអាជីព ក៏ដូចជាការបង្រៀន និ វិស័យផ្សេងទៀត

PLO3. បង្កើតកថាខណ្ឌ និងអត្ថបទសម្រាប់គោលបំណងសិក្សា និងវិជ្ជាជីវៈ

PLO4. អាចបង្ហាញសមត្ថភាពអានអត្ថបទសំខាន់ៗនៅមុខវិជ្ជាផ្សេងៗ

PLO5. មានសមត្ថភាពយល់តាមរយៈ ការស្តាប់ ការសន្ទនា ការផ្សព្វផ្សាយ​ ការបង្រៀន និងការធ្វើបទបង្ហាញប្រចាំថ្ងៃ

PLO6. អភិវឌ្ឍចំណេះដឹងទូទៅ និងបង្ហាញពីសមត្ថភាពប្រើប្រាស់វាក្យសព្ទសមស្រប ដែលទទួលបានពីការសិក្សាសម្រាប់ការប្រើប្រាស់ ទំនាក់ទំនងផ្ទាល់មាត់និងជាលាយលក្ខណ៍អក្សរ នៅក្នុងការសិក្សា និងអាជីពការងារ

PLO7. ចេះឱ្យតម្លៃលើសិល្បៈ ភាសា ការសិក្សាអក្សរសាស្ត្រ និងការសិក្សាពីពិភពលោក ដើម្បីត្រៀមខ្លួនក្លាយជាពលរដ្ឋល្អ​ ហើយមានទទួលខុសត្រូវ ។

២.២ ការវិភាគជំនាញយល់ដឹង
បន្ទាប់ពីបញ្ចប់កម្មវិធីនេះសិស្សនឹងអាច៖

PLO8. សម្រេចចិត្ត ប្រើប្រាស់វេយ្យាករណ៍ វាក្យស័ព្ទដោយផ្អែកលើបរិបទផ្សេងៗគ្នា

PLO9. ចេះប្រៀបធៀបវិធីសាស្រ្តផ្សេងៗក្នុងការរៀនភាសាអង់គ្លេសនិងជ្រើសរើសវិធីសាស្ត្រមួយដែលសមស្របនឹងលក្ខខណ្ឌរបស់អ្នកសិក្សា

PLO10. ផ្តល់យោបល់និងកែតម្រូវនូវការប្រើប្រាស់ភាសារបស់មិត្តភក្ដិ ដែលទាក់ទងនឹងការនិយាយ ការសរសេរ ការអាន និងការស្តាប់

PLO11. វិភាគ និងស្វែងយល់លើប្រធានបទ គោលបំណង អ្នកស្តាប់ និងចំណុចខ្វះខាតដែល​ មាន ឥទ្ធិពលដល់ការការសរសេរ ធានាបាននូវលទ្ធផលជាក់លាក់ និងមានតម្លៃ

PLO12. ប្រៀបធៀបទ្រឹស្តី និងការអនុវត្តជាក់ស្តែង ទាញយកចំណេះដឹង និងទ្រឹស្ថីសម្រាប់ ការអភិវឌ្ឍខ្លួន និងអាជីពការងារ។

២.៣​ ជំនាញទំនាក់ទំនងអន្តរបុគ្គលនិងការទទួលខុសត្រូវ
បន្ទាប់ពីបញ្ចប់កម្មវិធីនេះសិស្សនឹងអាច៖

PLO13. អោយតម្លៃនៃការអប់រំភាសា និងសម្រាប់បន្តការសិក្សាពេញមួយជីវិត

PLO14. ចូលរួមយ៉ាងសកម្មក្នុងសកម្មភាពសិក្សាផ្សេងៗ ដូចជាការពិភាក្សាក្នុងថ្នាក់ ការធ្វើបទបង្ហាញ ការធ្វើលំហាត់ និងកិច្ចការស្រាវជ្រាវផ្សេងៗ

PLO15. ប្រាស្រ័យទាក់ទងដោយមានការគោរពប្រកបដោយក្រមសីលធម៌ខ្ពស់

PLO16. សួរនាំដោយមានទំនុកចិត្តដើម្បីយល់ពីគំនិតគំនិត ឬម៉ូដែលថ្មីៗ

PLO17. បង្ហាញពីភាពខុសគ្នារវាងបុគ្គល និងវប្បធម៌ចម្រុះជាតិសាសន៍ (ភាពផ្សេងៗ នៃការឱ្យតម្លៃ)

PLO18. បង្ហាញសមត្ថភាពក្នុងការដោះស្រាយបញ្ហាក្នុងក្រុម

PLO19. ទទួលយក ចំពោះទំនួលខុសត្រូវ នៃអាកប្បកិរិយារបស់អ្នកដទៃ

PLO20. សហការក្នុងសកម្មភាពជាក្រុម (បង្ហាញស្មារតីក្រុមការងារ)

PLO21. បង្ហាញការប្តេជ្ញាចិត្តដើម្បីបំពេញវិជ្ជាជីវៈដែលប្រកបដោយក្រមសីលធម៌ខ្ពស់

PLO22. ឱ្យតម្លៃចំពោះអ្នកដទៃដោយមិនផ្អែកលើអ្វីដែលពួកគេមើលឃើញ។ 

២.៤​​ ជំនាញលេខនព្វន្ត ព័ត៌មានវិទ្យា និងទំនាក់ទំនង
បន្ទាប់ពីបញ្ចប់កម្មវិធីនេះនិស្សិតនឹងអាច៖

PLO23. បង្ហាញចំណេះដឹងទាក់ទងនឹងចំណេះវិជ្ជាផ្នែកកុំព្យូទ័រ

PLO24. បង្ហាញពីលទ្ធភាពក្នុងការប្រើបច្ចេកវិទ្យា ដូចជាកុំព្យូទ័រ ទូរស័ព្ទដៃ និងឧបករណ៍អេឡិចត្រូនិក

ផ្សេងៗទៀតដើម្បីបម្រើគោលបំណងក្នុងការសិក្សានិងការងារផ្សេងៗ

PLO25. ប្រើប្រាស់ និងទទួលព័ត៌មានទូលំទូលាយដើម្បីបំពេញតម្រូវការស្រាវជ្រាវ ការងារផ្សេងៗ

PLO26. បង្ហាញពីសមត្ថភាពក្នុងការយល់ដឹងអំពីដំណើរការទំនាក់ទំនងតាមប្រព័ន្ធទូរគមនាគមន៍

PLO27. ប្រើជំនាញទូរគមនាគមន៍សម្រាប់អាជីពនាពេលអនាគតនិងសម្រាប់ទំនាក់ទំនងជាមួយអ្នកដទៃដោយប្រើប្រាស់ប្រព័ន្ធអេឡិចត្រូនិច

PLO28. មានសមត្ថភាពប្រើប្រាស់ប្រព័ន្ធទូរគមនាគមន៍ក្នុងបរិបទផ្សេងៗ

PLO29. កំណត់និងឆ្លើយតបទៅនឹងបញ្ហាជាមូលដ្ឋានមួយចំនួន នៅក្នុងសម័យបច្ចេកវិទ្យាទំនើប។

២.៥ ជំនាញចិត្តចលនា
បន្ទាប់ពីបញ្ចប់កម្មវិធីនេះនិស្សិតនឹងអាច៖

PLO30. ជ្រើសរើសពាក្យឬឃ្លាដើម្បីប្រើក្នុងបរិបទមួយដ៏ត្រឹមត្រូវ

PLO31. ពិពណ៌នាអំពីអ្វីមួយដោយការប្រើប្រាស់ភាសាអង់គ្លេសបានត្រឹមត្រូវ

PLO32. ចេះបែងចែករវាងភាសាអង់គ្លេសសម្រាប់ជនជាតិអង់គ្លេស និងអង់គ្លេសសម្រាប់ជនជាតិអាមេរិកកាំង រួមទាំងការប្រើប្រាស់របស់ភាសានិមួយៗ

PLO33. បង្ហាញនិងកំណត់នូវប្រព័ន្ធទូរគមនាគមន៍និងការប្រើប្រាស់ក្នុងបរិបទផ្សេងៗ

PLO34. ចេះឆ្លើយតបនឹងប្រើប្រាស់ពាក្យឬឃ្លាទៅនឹងដៃគូរសន្ទនា

PLO35. សរសេរនិងគូសរូបភាពតាមការពន្យល់បង្ហាញ

PLO36. បង្រៀនមិត្តរួមថ្នាក់អំពីរបៀបដោះស្រាយបញ្ហា

PLO37. បង្ហាញពីការប្តេជ្ញាចិត្តចំពោះវិជ្ជាជីវៈប្រកបដោយសីលធម៌ខ្ពស់

PLO38. តាក់តែងអត្ថបទសម្រាប់ការសិក្សារបស់ពួកគេ

PLO39. បង្កើតសមា្ភរៈសិក្សាសម្រាប់និស្សិតដទៃទៀត

PLO40. រៀបចំកម្មវិធីសិក្សាសម្រាប់កម្មវិធីភាសាអង់គ្លេសប្រកបដោយប្រសិទ្ធភាព

PLO41. ស្វែងរកការងារយ៉ាងងាយស្រួលក្នុងវិស័យការងារដូចជា ការបង្រៀន ការទំនាក់ទំនង និងការបកប្រែ

PLO42. បង្រៀនភាសាអង់គ្លេសដើម្បីក្លាយទៅជាអ្នកមានជំនាញវិជ្ជាជីវៈលើការបង្រៀននិងអ្នកជំនាញខាងទំនាក់ទំនង។

៣. លក្ខខណ្ឌនៃការចូលរៀន
ដើម្បីសិក្សាកម្មវិធីថ្នាក់បរិញ្ញាបត្ររងបច្ចេកទេសជំនាញអបរំភាសាអង់គ្លេសនេះបាន បេក្ខជនទាំងអស់ត្រូវមានដូចខាងក្រោម៖

១. មានសញ្ញាបត្របច្ចេកទេស និងវិជ្ជាជីវៈ៣ (កម្រិត៤) ឬ

២. ប្រឡងជាប់ ឬធ្លាក់ មធ្យមសិក្សាទុតិយភូមិ ឬ

៣. មានវិញ្ញាបនបត្រថ្នាក់ឆ្នាំសិក្សាមូលដ្ឋាន​ ឬ

៤. មានសញ្ញាបត្រដែលមានតម្លៃស្មើ

៥. ឆ្លងកាត់ការប្រលងចូលដែលកំណត់ដោយដេប៉ាដឺម៉ង់ភាសាអង់គ្លេស

៦. ជ្រើសរើសវេនសិក្សាជាក់លាក់មួយ(ពេលព្រឹក ពេលរសៀល ល្ងាចនិងចុងសប្តាហ៍)

៤.ចំនួនក្រេឌីត
កម្មវិធីថ្នាក់បរិញ្ញាបត្ររងបច្ចេកទេសជំនាញអបរំភាសាអង់គ្លេស ត្រូវបានបង្កើតឡើងសម្រាប់ការសិក្សា រយៈពេលពីរឆ្នាំដែលមាន ៦០ ក្រេឌីតដែលតម្រូវឱ្យនិស្សិតសិក្សាមិនលើសពីបួនឆ្នាំដើម្បីបញ្ចប់។ 

៥.មុខវិជ្ជាក្នុងកម្មវិធីសិក្សា    

៦.រចនាសម្ព័ន្ធកម្មវិធីសិក្សា

• YEAR 1

• YEAR TWO

សំគាល់៖  ចំពោះការសរសេរចំនួនក្រេឌីតសម្រាប់មុខវិជ្ជានីមួយៗគួរអនុវត្តដូចខាងក្រោម៖

• ៣ មានន័យថាការសិក្សាក្នុងថ្នាក់មាន៣ក្រេឌីត
• ៣ (២.១.០) មានន័យថាការសិក្សាក្នុងថ្នាក់មាន២ក្រេឌីត និងការសិក្សាប្រតិបត្តិក្នុងគ្រឹះស្ថាន ឧត្តមសិក្សាផ្ទាល់ មាន១ក្រេឌីត
• ៣ (២.០.១) មានន័យថាការសិក្សាក្នុងថ្នាក់មាន២ក្រេឌីត និងការអនុវត្តជាក់ស្តែង (Fieldwork) មាន១ក្រេឌីត

៧. ការបញ្ជាក់អំពីចំនួនក្រេឌីតសម្រាប់ការសិក្សាប្រតិបត្តិ និងការអនុវត្តជាក់ស្តែងតាមមុខវិជ្ជា  / វិស័យការងារ

សំគាល់៖ ចំពោះវិស័យការងារ សាមីគ្រឹះស្ថានឧត្តមសិក្សាអាចរៀបចំដាច់ដោយឡែកពីមុខវិជ្ជា ហើយអាចគិតជា ក្រេឌីត ក្នុងកម្មវិធីសិក្សា ឬជាការបន្ថែមក្រេឌីត អាស្រ័យលើការសម្រេចរបស់សាម៉ីគ្រឹះស្ថានផ្ទាល់។ 

៨.លក្ខខណ្ឌក្នុងការទទួលបានសញ្ញាបត្រ

ដើម្បីមានសិទ្ធិទទួលបានបរិញ្ញាបត្ររងបច្ចេកទេសនិងវិជ្ជាជីវៈអប់រំភាសាអង់គ្លេស និស្សិតត្រូវ៖
១.​​​ សិក្សាបញ្ចប់មុខវិជ្ជាទាំងអស់ដោយជោគជ័យ តាមចំនួនក្រេឌីតដែលបានកំណត់ក្នុងកម្មវិធីសិក្សា​។
២. ប្រឡងបញ្ចប់ (អាចបញ្ចូលការប្រឡងអនុវត្ត) ឬការពារសារណា/របាយការណ៍ស្រាវជ្រាវ ជាប់ជាស្ថាពរ។

៣.​ បានបំពេញការចុះកម្មសិក្សាដែលបានកំណត់ក្នុងកម្មវិធីសិក្សា។

៩. ឈ្មោះសញ្ញាបត្រដែលនិស្សិតជ័យលាភីនឹងទទួលបាន: បរិញ្ញាបត្ររងបច្ចេកទេសនិងវិជ្ជាជីវៈអប់រំភាសាអង់គ្លេស។ 

១០.ឱកាសការងារ  (JOB OPPORTUNITIES)

បន្ទាប់ពីទទួលបានបរិញ្ញាបត្ររងបច្ចេកទេសនិងវិជ្ជាជីវៈអប់រំភាសាអង់គ្លេស និស្សិតនឹងអាចធ្វើការងារ ដូចខាងក្រោម៖

– អ្នកដឹកនាំវិស័យអប់រំ
– នាយកសាលា / នាយករងសាលា
– គ្រូបង្រៀនភាសាអង់គ្លេសដែលមានសក្តានុពល
– អ្នកបកប្រែ
– អ្នកបង្កើតគោលនយោបាយអប់រំ
– មន្ត្រី អង្គការរដ្ឋាភិបាលនិងមិនមែនរដ្ឋាភិបាល
– អ្នកអភិវឌ្ឍន៍កម្មវិធីសិក្សាភាសាអង់គ្លេស
– គ្រូបង្គោលដែលមានសមត្ថភាពនិងឯកទេស
– ជំនួយការវិស័យអប់រំ